Author: Golfclub Admin

Bredasdorp Gholfklub – Nuusbrief 2/2023

Inleiding

Die Nuusbrief gaan maandeliks verskyn met nuus en inligting van die Klub. Lede word genooi om enige bydraes sowel as foto’s vir Elmarie te stuur. Julle kan gerus bydraes na Elmarie stuur.

Gradering van die Baan

Die baan is op 15 Oktober 2023 weer deur die SAGU gegradeer. Die geel bowwe se gradering het weining verander, maar die blou bowwe vir mans se gradering is heelwat laer. Die detail van hierdie veranderings is op die kennisgewing bord beskikbaar.

Vloed

Julle is almal bewus van die vloedskade wat die baan gekry het tydens die oormatige reën. Tydens die Algemene Jaarvergadering is daar besluit om ‘n heffing in te stel om fondse te in om die skade wat die vloed veroorsaak het te kan herstel. Die fonds staan reeds op R13 000  en die Bestuur bedank graag al die lede wat meer as die heffing bygedra het asook die lede wat reeds die heffing betaal het.

Die Bestuur wil graag vir Gollie en sy span bedank vir hul harde werk in hierdie tyd om die baan weer in ‘n baie goeie toestand te kry.

Setperk Snyer

Die Klub het ‘n tweedehandse Setperk Snyer gekoop en daar kan reeds ‘n verbetering in die oppervlakte van die setperke gesien word.

Syfer 3 baan

Om gholf meer toeganlik te maak en sodoende meer spelers op die baan te kry is daar ‘n nege gaatjie syfer 3 baan uitgemerk.

Die Bestuur is baie opgewonde oor die baan en die Bestuur is oortuig dat hierdie fasiliteit

die spel sal bekend stel aan heelwat nuwe en jong spelers.

Die baan open amptelik op 24 November 2023, kontak asseblief vroegtydig vir Elmarie om ‘n afslaantyd te bespreek.

ICM Beker

Bredasdorp en Hermanus ding die afgelope 55 jaar mee om die ICM beker, tuis in November en weg in Februarie. Die afgelope Saterdag was die tweede been van die jaar se kompetisie en is hier op Bredasdorp gespeel.

Baie geluk aan Hermanus wat die beker die jaar gewen het.

Nuwe Lede

Die Klub wil graag die volgende nuwe lede welkom heet:

Cheryl Thomas, Marius du Bois, Dawie Albertyn, Eddie Philander, Angelo Karmis, Tiaan Scheepers.

Gelukkig trekking

Daar gaan vanaf 18 November 2023 elke Saterdag, tydens ‘n Klub kompetisies, direk na die prysuitdeling  ‘n gelukkig trekking gehou word. Die reëls van die trekking sal op die kennisgewing bord verskyn.

Kalender

Goodwin Dag word aangebied op 2 Desember 2023, daar is nog beperkte plekke beskikbaar kontak asseblief vir Elmarie om te bespreek.

Die program vir die volgende 3 maande is hierby aangeheg.

Borge

Geagte Lede⛳

Dit is met groot trots en opgewondenheid dat ons bekendstel aan u, Bredasdorp Gholfklub PAR 3 Baan!
Reeds opgemerk en lewendig op die Handicap System maar bekendstelling PAR 3 Baan vind plaas:
Datum: 24 Nov 2023
Tyd: 15.00
Fooi: R130 per speler
(extra ete kaartjies @ R70 p/p kan bespreek word)

Kontak gerus die Proshop vir u besprekings
☎ 028 424 1855

Bredasdorp Gholfkub Jaarlikse Strande Gholfdag⛳

27 Des 2023
4BBB
R350 per speler, sluit halfweg en prysuitdeling in
Struisbaai, Bredasdorp, Arniston en Agulhas ding mee teen mekaar.

Ons sien vreeslik uit na hierdie dag.

Skakel gerus die klub vir u besprekings.
📞028 424 185

17 Oktober 2023
Bredasdorp Gholfklub – Nuusbrief 1/2023
Geagte lede,

Die doel van hierdie nuusbrief is om julle terugvoering te gee rakende die besluite wat by die Algemene Jaarvergadering geneem is op 11 Oktober 2023.

Vloedfonds
Soos julle almal bewus is het die Klub baie direkte en indirekte skade gelei tydens die vloede van die afgelope tyd. Hier dink ons aan herstelwerk aan die baan, infrastruktuur en die verlies aan speelfooie terwyl die baan gesluit was.

Daar is besluit om ‘n eenmalige heffing op ledegeld van R100 per lid in te hef om ‘n gedeelte van die bogenoemde verliese te kan befonds. Indien enige lid nie hierdie heffing kan betaal nie kontak my asseblief sodat dit bespreek kan word en ‘n oplossing gevind kan word. In dieselfde asem wil die Bestuur graag ‘n beroep op lede doen wat meer wil bydra tot die fonds, in geld of in dienste, om my te kontak.

Baie dankie aan die lede wat reeds ‘n bydrae gemaak het, dit word waardeer.

Ledegeld
Daar is besluit om die ledegeld vir 2023/24 nie te verhoog nie en dit word uit een gesit in onderstaande tabel:

Die Bestuur doen ‘n beroep op lede wat nog nie hul ledegeld betaal het nie om dit so spoedig moontlik te betaal. Die Klub het verpligtinge teenoor Boland Gholfunie en die Voorgee stelsel wat betaal moet word.

Speelfooie
Tydens die vergadering is daar besluit om die ledegeld minimaal te verhoog, die nuwe speelfooie kan gesien word in onderstaande tabel:

Dit is van groot belang dat daarop gelet moet word dat indien ‘n speler nie lid is by die Klub nie dat hy/sy speelfooie as geaffilleerde lid of nie geaffilleerde lid sal betaal. Ongelukkig kan daar geen uitsonderings hierop gemaak word nie.

Komitee
Die Bestuur wat verkies is om die Klub in 2023/4 te lei is:

Posisie Naam
President Johan de Kock
Kaptein Louw Coetzer
Onder Kaptein Vittori Greeff
Tesourie Waldo Strydom
Vroue Kaptein Liza van der Westhuizen
Addisionele lede JD Terreblanche, Paul Valentine en Jannie Engelbrecht

Borge
Die Bestuur van die Klub wil graag die borge bedank en ons wil graag ‘n die lede versoek om die borge te ondersteun.

Hieronder is die logo’s van die borge wat die Klub met meer as R5 000 per jaar ondersteun.

Indien julle enige vrae of voorstelle het is julle welkom om my te kontak.

Vriendelike groete

Louw Coetzer
Klub Kaptein
Bredasdorp Gholfklub
082 388 0045